01-19-2012
|
|
|
ومضات مختارة رائعة ..^
مساءكم خيرمن كم يوم وانا اتصفح الومضات بالنت
واختاريت مجموعة رائعة جدا ً اتمنى ان تنال اعجابكم ..
اليسمع دفو صوتك يوكع ابشده
وماصدك وراهه ايضل صبر عده
اكو كبلي نبي كالو يكلم الطير
واني اول بشر ايكلم الورده
يناشدني اعله حالي وعايش اشلون ..
أنه الميت بهجرك حالي حالة
بيوم اوداعك جن حمزة من طاح ..
شتظن ظل واهس اكو بفلم الرسالة
شما حطن شكر عالجاي مر يصير
فدوه شويه حط اعليه من عدك
خدك شاف خدك أمس جلب بيك
كظ خدك بحركة وباسك بخدك
بالطيف من اشوفك انه اصيح الله
أنت شكد حلو وحته أحله من كلك
ولوشوفك صدك وكبال عيني تصير
ما صفك بدية أبعيني اصفكلك
ماحب البعد حبيت اعيش وياك
حياتي بلا وجودك شنهو معناها
انه بعرسي حبيت اسمع الهوسات
هاي الرادها وهاي التمناها
تعال اكعد بكلبي وشوف شيصير
كل دكه ونبضه تصرخ باسمك
مو قران جيب الكعبه وياك
حتى احلف عليه شكد اني احبك
تفاحات عدك حركن خد الزيج
بالله الياحلك لوردت تنطيهن
الجايع من يفرهد چن تعذره الناس
خل حراس يمك حتى تحميهن
واذا تسمع حظر تجوال ظل بالبيت
لان حته الحظر ظل صافن اعليهن
لا تسألني عنـك انت بيه تعيـش
تعال لمدن روحـي وعنـك اسألها
جانت قلعة روحي ومايطبها الجيش
لكن جيش حبك دخل واحتلـها
فرق بين الزغير وداسته اجدام
وفرق بين الكبر مالمته عيون
طبع بالفاس ويه الشجره عدوان
وتموت الشجرة لعيون اليكطعون
يمن بيك الجمال تعده الحدود
ومن خدك خذو لمعات النجوم
اشترينة هدوم حلوة الخاطر العيد
وانت العيد لجلك يشتري اهدوم
فدوا اتوسلك لاتزعل اترجاك
ولواادري بزعلتك انه راح انذل
خل انذل اولي يطبني ميه طوب
بس هيج ابحلاتك كفر من يزعل
تتموع بمشيك ليش هيج وياي
مثل الناس امشي ولاتخبلني
واذاجسمك ثلج ومن الحرارة يموع
شعندك للشمس يومية متعني
عصفور العمر علمته توه يطيـــــــر
ليش ترده الي وجنحانه مشبوكة
صح أنت حلو بس لا تظل مغرور
أكو أحلى من الشكر وتذوبه خاشوكة
ياليل هم رجعت شتريد وك ياليل
من وحشتك شيبت و الحيل ما ظلي
مثل الرماد اشتعل و ابقى احترك حيل
من اذكر امي الصبح من تكعد تصلي
احبك من قبل بس ماكلت يوم
اخاف احجي وتكول الناس جذاب
افتح باب بيتك تلكه تذكار
عايفلك خيالي ابعتبة الباب
المثلك مايخلي تشوفه عين الناس
ايضم روحه يطلع بالشهر ساعه
لان اتعم علينه وملحدين نصير
اذا شفناك نكفر حته بالطاعه
شميتك كبل ماقاومت وياي
ولميتك نفس واتعثر بلمك
وهسه تريد اشمك !
خايف انه عليك ؟
يمكن راح اخلصك لمن اشتمك
ذمه بركبتك اسمعني حتى تروح
ماصييح عليك من تمشي غادي
انته عندي والماكو كد مستواك!!
يعني ميهمني تريد تروح عـادي
لا تقفل ابوابك خل تجيك نـــــــــاس
الخلي الحب يجيلك بالك ترجعــــه
واذا مفتاحه ضايع لا تهم با البـاب
محبت الناس صدك بابك تشلعـــــه
أسمحلك تدوس جروحي من تضوج
ومن تضحك بعد شتسوي اسمحلك
اشوف اهلك جنت ولخاطرك كل يوم
ولأن كلبي يحبك صرت احب اهلك
اريد الخير الك وتحب بعد وتعيش
ومرسومه تضل بشفافك الضحكه
خل يبقه الحزن طلقه ويه كلبي تنام
وخل يبقه الزمن شايل علي تفكــــه
تعب خلكي شكثر تعبني التفكير
خلكي من التعب مل حته من خلكه
انه اتنازلتلــك وبجروحي ارضيت
لان شفتك صدك مرتاح بالفركه
باوع خدك الجنت انه ابوسه هواي
هم تذكرني لو غيرتك الفركه ؟؟
بوساتك بعدهه بصدري يمي تبات
وعطرك بعده يصعد بيه كل شهكه
بعدهه ايديه ترجف من يمر طاريك
وبعدهه الروح ضلت بيك متعلكه
تذكر جنت اشبكـك و انشبك بيديك
واسافر للشمس من تكبر الشبكه
انطرك ليش انطرك وانته مارديت
واذكرك ليش اذكرك وانت ناسيني
بكد مطر نيسان من دمعي بجيت
ولا جنك شفتها دموعي البعيني
دين بركبتك كل عمري ذاك الضاع
وماريده بعد متبري من ديني
بس كون انت تبعد ابعد من الغيم
والف صدفه تمر وماتلاكيني
انة بس بيك التمس اصل الجمال
يالي منك ه الكمر ماخذ منضرة
انته صدك مو بشر انته ملاك
حقهم يسمونك علي قالع خيبرة
تهز كلبي بلسانك من تضوك شفاك
واذا ضكتك اموت بهزه قلبيه
من تضحك غصب تضحك شفافي وياك
عندي الحاله صارت لا اراديه
اشك حتى بخيالي وما اشك بيك
وابيع الدنيا كلها وما ابيعك
ربيع العمر يخلص ما يضل دوم
وانه اتحداك اذا يخلص ربيعك
صحرا ومتانيك ماتمطر شجاك
تدري عطشانين الك منذ الازل ....
انته رحمة ونزلت على امك وابوك
واعله هاي الفقرة ضيم الله نزل....
مثل نهر وجرف عمري الاريدة وياك
هم شفت النهر لحظة نسة جروفة
انت كتاب كلبي وشاعر اليقراك
بدموع الليالي نكتبت حروفة
يل حسنك شمس وينور اعلة الكون
حتى اعمى البصر هم واضح يشوفة
شلون العين تغمض وانته زعلان
والگلك تغمض گله چذاب
واذا غمضت أگلك غمضت الموت
يعني اني ابلحد وعليه الاتراب
اريد احجي بجرح تبجيله كل عين
وأريد أكتب قصيدة بريشة أحـزاني
وأريد آخذ همومــي لفوگ الغيوم
أهدها وهم ترد ترجعلي مــن ثاني
خلص هذا العمر هم ومصــاب وآه
أسِد باب الحزن وأنسى شكثر بيباني
مل مني الصبر بس آنــي مامليت
أكابر وأبتسم لــو شفت صحباني
أريد أبجي واسمعك صوت الدموع
وخل يحجي الدمع ويسولف أشماله
تدري شكد معاني تشيل العيون
بس يوكع دمع تتوضح الحاله
وأظن صوت الدمع بي وحده من أثنين
لو فاقد عزيز ويذكر أطلاله
ولو مزنت فرح وتخيل أنت الصار
يعني أثنين هنه العين هماله
اخليك اعلى بالي تريد لا مو هيج
انت اسئلني الاول منهو اللي ابالك
واذا بس انت كتلك احسبني جذاب لان ثلثينك تشبهة كمت احب خالك
من ردت عينك والله شفت عيون
ومن ردت الوجه شفت الشمس طلعت
وردت الشعر راسا اجانه الليل
لان خافت شمسنا وبالعجل شلعت
اذا عينك سفينه تسابق الاعصار
اكيد السفن يمها بلا وشك ترسي
ولان خايف تحسدك يا حبيبي الناس
عليك اقره الفله وايه الكرسي
جمالك معجزه وخدين مو خدين
كلش ضاويات ونوهن يسطع
وهي المعجزه بخدودك الحلوات
لان اول كَمر ويه الشكس يطلع
انه اكثر حزن من حزنك اعليك
نيشاني التفت بس دك علي متوني
لو شفتك تهل ادموع علوجنات
انه بلا شعور ابجيلك دموعي
عركه اعلى العلم والعلم ماموجود
وامريكي العلم رفرف على ابلادي
نفس الصوتوا لو نصهم مصوتين
والعباس ترجع كَبه الهاادي
من كَد ماترف ينشاف بيك الماي
وتخجل من ضواك وتنطفي الشمعه
واظن عشرين واكثر حملت امك بيك
لان دكه جمالك مو شغل تسعه
مااحلم بعد وعيوني اسدها اعليك
غيرك مااريد ايدنس احلامي
مشرك مانت ماجان اكو اسلام
هسه انه اسلمت وبيك اعلن اسلامي
رئيس الدوله شاعر لو يصحله يصير
لأن شاهد بعينه وعاين الحاله
تمثال الرئيس انداس بالرجلين
والشاعر بقه وماطاح تمثاله
لا تلوم الكَلب من يزعل اعليك
لان روحي ويروحك اشتركن سوه
ومستحيل انساك يااغلى انسان
ولان اتنسفك انته ويه الهوى
اذا وياك حلكَك يحجي وجهين
على ياسر بعد يتأمل الراس
واذا كلمن عطش كَال انه الحسين
اذن كلمن يجيب الماي عباس
,lqhj lojhvm vhzum >>^ lojhvm vhzum
|
للتسجيل اضغط
هـنـا
المواضيع المتشابهه
العرض العادي
