ماهو تأثير الانسحاب الامريكي من العراق - الصفحة 2

♥سيـف الأعنزيے♥ · 01-06-2012

حائطي

سجل دخولك او إضغط هنا للتسجيل

المشاركة الأصلية كتبها اسطورة عاشق

شوف اذا انت ابن الشعب تحجي ع الحكومة هيج لعد شلون الدول الغريبة اني من وجه نظري هاي الحكومة شريفة وتمثل الشعب العراقي كافة و لو ايسون انتخابات جديدة ع رئيس الحكومة فأني متأكد المالكي ايفوز من جديد لان اثبت جدارتة بهذا الموقع وهذا شهادة من كل الدول العربية والاجنبية
اما مسئلة طارق الهاشمي فهي معروضة ع القضاء واذا يظل هيج كاعد بكردستان فالتهمة لابستة لابستة خلي يجي للبغداد ويدافع عن نفسة حالة حال بقية الناس
وطارق الهاشمي يا حبيبي ونوري المالكي ما عدهم حصانة صحح معلوماتك لان الحصانة مقتصرة فقد على اعضاء مجلس النواب
وانت اتكول جرائم المالكي ميخالف وياك جيب دليل ملموس واعترافات ع جرائم المالكي مثل ما اعترفو حمايات نائب رئيس الجمهورية طارق الهاشمي وبتصريح البارحة للسفير الامريكي بالعراق ايكول القضاء العراقي نزيه وشفاف في قضية الهاشمي يعني ماكو داعي نخلط الدم العراقي بالمهاترت السياسية
واما صالح المطلك فالحكومة ما رادت اطلعة من مجلس الوزراء الا بعدة تصريحاتة الاخيرة بشأن رئيس الوزراء واني اسأل سؤال اذا رئيس الوزراء دكتاتور ليش تشتغل وياه وتلوث نفسك وتدعم الدكتاتور صير وطني واطلع وصير معارض
تحياتي

ههههههههههههههههههههههههه

جديات ما تلاحظ انك قلت نكتة ؟؟

لك عمي انته وين عايش ؟؟؟

من كل عقلك ؟؟ واصلا انا قبل الدول الغريبة اتشرف اني احجي عالحكومة واكصها كص

الحكومة الي ما وفرتلي الامان
الحكومة الي اخذت حقوقي
الحكومة الي تعتقل اخوي الصغير بلا سبب
الحكومة الي تاخرني عن دوامي ساعة ونص
الحكومة الي تبوق الفلوس وما تسوي اعمار
الحكومة الي ماادافع الا عن جماعتها وما يدافعون عنها الا جماعتها

وبالنسبة للمالكي شنو انته تحجي حبي ؟؟

يا انتخابات يادنيا ؟؟

ههههههههه وربي شي يفطس ضحك شنو يفوز بانتخابات ماوصلت ال 60% شلون انتخابات هذي ؟؟

ولو تصير انتخابات وانتخبته

اتمنه من كل قلبي يصيرلك الي يصير بينا حته تعرف شنو المالكي الي جاي ادافع عنه .

وتقول شهادة الدول العربية والاجنبية ؟؟

ههههههههههههههه

اما بالنسبة للحصانة فحسون كول غيرها ماكو رئس جمهورية ونائب بالعالم كله ماعنده حصانة

وبالنسبة لجرائم المالكي اني اكولك

اكو حديث عن الرسول صلى الله عليه وسلم مدري انته سامعه ولا لا

يكول

كلكم راع وكلكم مسؤول عن رعيته

صدق رسول الله

تفجيرات بغداد الاخيرة منو مسويها ؟؟ الخميس والثلاثاء الدامي ؟؟ الاغتيالات الخفية ؟؟ كل هالسوالف منو مسويها ؟؟

ومنووووووو مسؤووول عنها ؟؟؟ مو الرئيس ؟؟ ولا خالي ؟؟

وصالح المطلك طلعوه علمود هايه ؟؟ طبعا لازم يطلع لانه كان لازم يحجي اكثر واكثر واكثر

واذا رئيس الوزراء فاسد وحاقد وميسوى فلسين فانا اضل بالحكومة لان ادري بيه يريدني اطلع حته ياكل حقوق الناس الي اني امثلها

اسطورة عاشق · 01-06-2012

حائطي

سجل دخولك او إضغط هنا للتسجيل

اها عليك نور عليك نور هيج اريدك سيف هذا كلة الحجي ع الحكومة والحكومة عميلة وحرامية اوكي انتوا يا قائمة عراقية يا هاشمي يا علاوي يا مطلك يا نجيفي ليش باقين بهيج حكومة صيروا معارضة واذا الشعب ما اقتنع بهاي الحكومة راح ينتخبكم الانتخابات الجاية
والتفجيرات الصارت ما اريد ادخل بتفاصيلها لان راح اتمس الوحدة الوطنية وتصير القضية طائفية واني من اشد المعارضين للسياسات الطائفية الي موجودة بالمجتمع حاليا وانت اتريد من الحكومة الامان والشركاء بالعملية السياسية ايقتلون ويذبحون امثال طارق الهاشمي ولو بي خير جان برئ نفسة مو بس يحجي وخاتل بأربيل هع المهم الي يريد شي ايضحي من اجل شي
يعني السيطرات المن منصوبة غير لحمايتة المواطنين لعد شلون متريد تتاخر و هم يحرصون ع سلامتك وامنك
واني اسالك انت بعام 2005 |2006\2007 جنت تكدر تطلع من بيتكم بعد الساعة ستة العصر مو جنا انكول يا رجال يطلع بعد الستة العصر ليش تنسون الي سوتة الحكومة ليش تنسون الموصل شلون جانت وشلون صارت ليش تنسون خطة فرض القانون صارت ع المناطق الشيعية قبل السنية وتتهمون الحكومة بالطائفية اني انصحك يا سيف راجع حسباتك تجاه بلدك لان كل الي كاعد تحجي بعيد عن الواقع جداً واني ما انكر اكوا معتقيلن ما مسوين شي ولكن القضاء ايحقق ويخلي سبيل الي ما متهمين واطلقوا سراح كثير منهم
واني من اشد الداعمين وكذلك اغلبية الشعب العراقي للستاذ نوري المالكي اذا كان بوتين هو من قام بنهضة روسيا فالماكلي هو من قام بنهوض العراق بعد صدام وراح تذكر هذا كلامي بعدين ع الاقل مو طائفي ولا يقتل بالشعب ع الهويئة الطائفية
وبالنهاية اكول يمكرون ويمكر الله والله خير الماكرين
تحياتي

♥سيـف الأعنزيے♥ · 01-06-2012

حائطي

سجل دخولك او إضغط هنا للتسجيل

مراح اناقشك نقاش عقيم

لان بعض الناس مجمدين مخك

ولمنع المشاكل

| يقفل |

محمد كفاح · 01-23-2012

حائطي

سجل دخولك او إضغط هنا للتسجيل

اووووووووووووووو والله الموضوع مكلوب كلاب هع
(انا ملييييش في السياسة)
هع تحياتي للشباب النازلين دك ردود

أدوات الموضوع	إبحوشه في الموضوع
شوف صفحة طباعة الموضوع دز هذا الموضوع لفد صديق	إبحوشه في الموضوع: البحوشه المتقدمه
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	الي كتب الموضوع	المنتدى	مشاركات	آخر مشاركة
نائب رئيس الوزراء الكويتي: انعقاد قمة بغداد بعد الانسحاب الامريكي دليل على استقرار العراق	اسطورة عاشق	منتدى الاخبار والتقارير السياسية	2	03-28-2012 12:18 PM
ماهو تأثير المخدرات على الوجوه؟ ادخل لتعرف(صور)	Twilight	منتدى الطرائف والأخبار المنوعة	3	07-04-2011 03:07 PM
بوايون: الانسحاب من العراق سار	NEWS	منتدى اخبار الجزيرة	0	08-31-2010 06:00 PM
تحذيرات عقب الانسحاب من العراق	NEWS	منتدى اخبار الجزيرة	0	08-30-2010 08:11 AM
البنتاغون: الانسحاب من العراق بموعده	NEWS	منتدى اخبار الجزيرة	0	03-04-2010 01:38 PM

الي ديشوفون محتوى الموضوع هسه : 1 ( المواطنين 0 والقجقجيه 1)